Plantun de Prouvènço

Pèr coumpara dos planto d'encò nostre

Rosa elliptica & Juncus acutus

Agufié(-di-fueioun-redounet)

Rosa elliptica

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Noms en français : Rosier à feuilles elliptiques, Rosier à folioles elliptiques.

Descripcioun :
Aquest agufié trachis dins li colo e en basso mountagno. Ei proche de Rosa agrestis, emé si fueio glandoulouso e si pecou de flour, qu'au contro an ges de glando. Pamens eici li fuioun soun redounet, lis estile pelous, li flour un pau roso e l'ourifice calicinau (fotò) grand (1/3 à 1/4 dóu Ø).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.

Port : Aubret
Taio : 1 à 2 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Rosa
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 2,5 à 4 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucaio - Colo - Basso mountagno
Estànci : Mesoumediterran à Mountagnard
Couroulougi : Éuropenco
Ref. sc. : Rosa elliptica Tausch, 1819

Jounc-pounchu

Juncus acutus

Juncaceae

Autre noum : Jounc-de-tèsto.

Noms en français : Jonc aigu, Jonc à tépales pointus.

Descripcioun :
Lou jounc-pounchu es un gros jounc que trachis en mato dins li relarg proche de mar. Pòu pamens un pau rintra dins li terro. Si tijo e fueio soun redouno de 2 à 4 mm de diamètre e proun duro. Li flour de l'inflourejado fan uno tèsto mens ramificado e pu sarrado que soun cousin, pu rare, lou jounc-de-coustiero. Coumpara emé lou jounc-pounchu que ié sèmblo proun e peréu emé lou jounc-marin.

Usanço :
Lou rizoumo dóu jounc-pounchu es acampa e manja crus en Sardègno e cue, bouli, en Sicilo.

Port : Grando erbo
Taio : 30 à 150 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 4 mm
Flourido : Printèms - Estiéu

Sòu : Ca
Autour basso e auto : 0 à 50 m
Aparado : Noun

Liò : Palun - Mar - Ribiero
Estànci : Termoumediterran à Mesoumediterran
Couroulougi : Mediterranenco-Atlantico
Ref. sc. : Juncus acutus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

ges

Rosa elliptica & Juncus acutus

ges

Coumpara Agufié(-di-fueioun-redounet) emé uno autro planto

Coumpara Jounc-pounchu emé uno autro planto